In tochintsin iwan itlatsotson.

 

Sen tochintsin 

Se tonal sen tochintsi otlakuajkuaya sakatl seliktsi, satepa okikasik se tomin mimilintik. Kikajokuik iwan sankistlakowa itomintsi mimilintik. Amo kineltokaya tlaintochintsi amo keman teisa okikasiaya iwan axkan kipiaya se kualtsin tomin mimilintik.

¿Tlen onikowas? -okixexekowaya in tochintsin.- Tlanikowas pantsi saniman oniktlamis; tlanikowas tsopelikmej, saniman nikinkuas iwan satepa amitla nikpias. Tlanikowas itlaj tlakual, noijkui saniman niktlamis. ¡Axkan kema, nikmati tlanikowas. Nikowas notlatsotson: yej okachi kuali.

In tochintsi okikoj nitlatsotson. Omotlali iwan mometskelpacho, okiyextlali itlatsotson itech imawan iwan opejki tlatsotsona. Telkualtsin otlatsotsonaya in tochintsin iwan ompa keman oasito mototsin, okse tochintsi, matsatsi, tsinkokojyak iwan seki totomej tlakakisnekia kenomi tlatsotsonoya in tochintsi.

Satepa tsinkokojyak okijto: 

- Nechtlanejti motlatsotson sansepantsi.

- Amo, xatikuelitas notlatsotson iwan tinechixtekilis.

- Amo, amo nimitsixtekilis; moixpan nimitstsilia amo nimitsixtekilis.

In tochintsin okineltokilij iwan kitlanejtili nitlatsotson in tsinkokojyak.

Tsinkokojyak pewa otlatsotsona. Kemej nokualtsin otlatsotsonaya omopakti iwan wejkawak otlatsotsontoya.

Ompa keman in tochintsi okilij:                            

- Nechmaka notlatsotson tlaniasa okse koujta.

- Amo, amo nimitskepilis tlatejuatinechtlayokolij.

- ¿keman onimitstlayokolij notlatsotson? ¡Moxolopijyosa!

- Xikelnamiki otinechilwi welis nimokawilis motlatsotson. Tlatinechkuilisneki xikmato nimits ixtsinkokojyati.

In tochintsi pewa choka iwan  choka, iwan  tsinkokojyak otlatsotsonato wejkatsin, amo kitak iwan motlalito itech se askayo. In askamej chikawak okitipinkej in tsinkokojyak, kikaujteuj tlatsotson iwan cholojtewak. Satepa in tochintsi omowelistoya, kikololo itlatsotson, omotlalij, kikelpacho imetswa, otlachistoya ilwikak iwan oksepa pewa kualtsin tlatsotsona.

Wejkatlajtol Popoloca (Puebla)